Francois van Rensburg

Back to Artists page


 

Francois van Rensburg

 

Bespreek Francois van Rensburganita@bluedivision.co.za or 076 486 5050 / 074 026 4869

 

Francois was al deel van 2 van ons land se grootste musiekblyspele waarvan Ons vir Jou die mees onlangse was. Die ander was ook ‘n Deon Opperman produksie waar hy te sien was as een van die troepe in altwee seisoene van die uiters gewilde Tree Aan! Sy twee groot liefdes ontmoet in ‘n musiekblyspel naamlik toneelspel en musiek wat vir hom geen vreemde gebied is nie. Hierdie jaar was hy te sien as Louis in kykNET se uiters gewilde sepie Binneland. Maar hy bewys homself op Hoërskool reeds as akteur nadat hy in 2007 en 2008 tydens die ATKV- tienertoneelkompetisie ‘n toekenning as beste akteur ontvang, onderskeidelik vir Boem in die Boks asook ZAP ZAP ZAPPER. In 2011 betree Francois die musiekbedryf nadat hy ‘n platekontrak by Electromode Music losslaan en sy debuutalbum Dromerlaan kort daarna vrystel. Met hierdie musikale eksperiment bewys hy homself ook as liedjieskrywer wannneer hy met die hulp van gesoute musiekvervaardiger en rocker, Wouter van de Venter, 15 van die liedjies op die album self skryf. Intussen verskyn sy musiekvideo’s op kykNET-programme soos Ontbytsake en Tonge Los. In Januarie 2012 voer hy sy eerste televisie onderhoud met Martin Bester vir die program DKNT. Sy liedjie Hoërskool Lovesong speel gereeld op SABC 3 en op kykNET-programme soos Jukebox. As solo-kunstenaar was ‘n groot hoogtepunt om saam kunstenaars soos Karen Zoid, Steve Hofmeyr, Lianie May en Elvis Blue deel te vorm van die openingsvertoning vir die Ierse Popgroep Westlife tydens verlede jaar se Jacaranda 94.2 Deuriemikke Karnaval by Supersport Park voor sowat 12 000 mense. April vanjaar woon hy sy eerste KKNK by met optredes op onder andere Huisgenoot se musiekverhoog. Francois leef ook die afgelope 4 jaar sy passie uit op radio as die karakter Vincent de Wahl in Leon van Nierop se jeugvervolgverhaal Ratels wat Maandae-aande 19:30 op RSG te hoor is. Binnekort is hy saam die akteurspan ook aanbieder van Radio Rebel – ‘n tydskrifjoernaalprogram op RSG vir jongmense. Hy beoordeel gereeld talentkompetisies soos Eisteddfod’s en lig sy mening in ‘n weeklikse blog vir www.vreesloosafrikaans.co.za waarin hy oor sy persoonlike ervarings skryf. Een van sy nuutste projekte is die verhoogproduksie DROMERLAAN: Die musiekstorie van Sonja en Janneman. Dit is ‘n eenmanstuk wat geskryf is rondom die ballades vanaf sy debuutalbum en vertel die storie van jong liefde en die evolusies daarvan. Die regie is gedoen deur 7de Laan se Luan Jacobs. Kyk uit vir hom by die feeste! 

 

Francois van Rensburg

 

Bespreek Francois van Rensburganita@bluedivision.co.za or 076 486 5050 / 074 026 4869